İnformasiya Təhlükəsizliyi üzrə mütəxəssis necə olmaq olar?

Müasir dövrdə dövlət qurumları və özəl şirkətlər getdikcə daha çox informasiyanın məxfiliyini təmin etmək, məlumatlara icazəsiz girişin qarşısını almaq, kompüter sistemləri və şəbəkələrini kənar müdaxilələrdən qorumaq ehtiyacı ilə üzləşirlər. Məlumatların hərtərəfli qorunmasını təmin etmək vəzifəsi informasiya təhlükəsizliyi mütəxəssisi üzərinə düşür. 

Ölkədə informasiya sistemlərinin güvənliyini, sistemə bağlı informasiya ehtiyatlarının qorunmasını həyata keçirə bilən və kibercinayətlərə qarşı mübarizə aparacaq ixtisaslı mütəxəssislərə geniş tələbat yaranmışdır.

İnformasiya təhlükəsizliyi mütəxəssisi Şirkət və fərdi istifadəçilərin məlumatlarının məxfiliyini təmin edən, informasiya sistemlərinin təhlükəsizliyini gücləndirən və məlumatların sızmasının qarşısını alan bir işçidir.

 İnformasiya təhlükəsizliyi prinsipləri

İnformasiya təhlükəsizliyi proqramları, bu üçlüyünün əsas məqsədləri ətrafında qurulmuşdur: İT sistemlərinin və iş məlumatlarının məxfiliyini, bütövlüyünü və mövcudluğunu qorumaq. Məxfilik, bəlkə də informasiya təhlükəsizliyi dedikdə ağlınıza ən çox gələn üçlüyün elementidir. Bu məqsədlər, həssas məlumatların yalnız səlahiyyətli şəxslərə açıqlanmasını təmin edir (məxfilik), məlumatların icazəsiz dəyişdirilməsinin qarşısını alır (bütövlük) və məlumatların səlahiyyətli şəxslər tərəfindən tələb edildikdə əldə olunmasını təmin edir (mövcudluq).

Soft bacarıqlar

Soft bacarıq dedikdə,komanda ilə işləmək bacarığı, tənqidi düşüncə və problemlərin həlli, yazılı və şifahi ünsiyyət bacarıqları, liderlik, yeniliklərə açıq olma, öyrənməyə həvəsli olma başa düşülür

Hard bacarıqlar

• İnformasiya təhlükəsizliyi haqqında ümumi məlumat
• Texniki qabiliyyət
• Proqramlaşdırma bilikləri (C, C ++, C#, PHP, Perl, Java)
• Bir haker kimi düşünmək bacarığı.
• Müxtəlif platformalarda yaranan təhlükəsizlik riskləri haqqında məlumat.
• Təhlükəsizlik təhlili
• Server avadanlıqları ilə işləmə

  İnformasiya Təhlükəsizliyi Mütəxəssisi İş Vəzifələri

• Çox səviyyəli bir informasiya təhlükəsizliyi sistemini (giriş və parollar, telefon nömrələri, barmaq izləri, retina və s.) identifikasiya edir.
• İT sistemlərinin vəziyyəti barədə hesabatlar hazırlayır
• Dövri yoxlamalar aparmaqla təhlükəsizlik pozuntularını və səmərəsizliyi təyin edir.
• Problemləri erkən müəyyən etmək və İT komandalarına çatdırmaq üçün şəbəkə fəaliyyətini izləyir
• Təhlükəsizlik proqramını quraşdırır, konfiqurasiya edir və təkmilləşdirir (məsələn, antivirus proqramları)
• Təhlükəsizlik tədbirləri və məlumatların bərpası planlarını hazırlayır