İş həyatında seçilən namizəd necə olmalıdır? 

Bəzən yeni iş həyatına atılan insanlar işdə necə davranış sərgiləyəcəyini bilmir. Yaxından tanımadığı insanlarla zarafat edir, onların işini tənqid edir, eqoya qapılıb işi təkbaşına təhvil verməyə çalışır. İşə qəbul olmusunuzsa, deməli çətin(hard) bacarıqlarınız sizə kömək olmuşdur. Bundan sonra isə uzun müddətli zamanda işdə qala bilmək üçün yumşaq(soft) bacarıqlarınızda da özünüzü doğrultmalısınız. Yumşaq bacarıqlara sosial təcrübə, şəxsiyyət və xarakter quruluşu, ünsiyyət bacarıqları, emosional zəka, işçinin işə göstərdiyi təsir və yanaşma daxildir.
Bəs bunları iş həyatında necə göstərə bilərəm ki, peşəkar davranış sərgiləyim?

Müsbət münasibət

İşə müsbət münasibət bəsləyən işçilər, ətrafdakılara müsbət təsir edir və komandasındakı enerjini artırır. Digər işçilər arasında daha yaxşı işçi kimi xatırlanır.

Dürüstlük

İş yükü, iş-həyat tarazlığı, çətin müştəri və ya iş yoldaşları, təsirsiz prosedurlar kimi çətin mövzular haqqında həqiqətləri söyləmək yaxşı bir işçi obrazı yaradır.

Yenilikçi fikirlər

Müsbət təsir edəcək yenilikçi ideyalar və təklif irəli sürən işçilər bir şirkət üçün yaxşı kadrdır.

Problem həll etmə qabiliyyəti

Bir şey həll olunana və ya tamamlanana qədər işləyən və problemləri həll etmək üçün əlindən gələni edən işçilər yaxşı işçilər sayılır.

Peşəkar davranmaq

Nəzakətli, yaxşı danışan, sakit və təqdim edici olmaq işdə peşəkar olmağın bir hissəsidir. 
Hərəkətlərinə görə məsuliyyət götürən, etibarlı, vaxtında gələn, dediklərini edən və komandasındakı digərlərini aşağı salmayan işçilər yüksək qiymətləndirilən işçilərdir.

İşinizi yaxşı edəcəyinizi öyrənin

İstər çətin, istər yorucu, istərsə də yüksək maaşlı olsun, nə qədər çətin olacağını düşünməyinizdən asılı olmayaraq, işi necə edəcəyinizi öyrənin. Bonuslar ən çox işinizi görmə qabiliyyətinizə, şirkətə sədaqətinizə, qabiliyyətinizə və təhsilinizə əsaslanır. Bir şeyi necə edəcəyinizi bilmirsinizsə, qaydasını tapın. Niyə etmədiyinizə görə bəhanə gətirməyin.

Komanda işi

Əlaqələri peşəkar şəkildə inkişaf etdirərək, bir komandada digər insanlarla işləmək bacarığı, ortaq bir məqsədə çatmaq hər hansı bir şirkət üçün bir dəyərdir. Bu gün vakansiya müsahibələrində əsas müşahidə edilən və soruşulan bacarıqlardan biridir.

Yaradıcılıq

Bütün insanlar yaradıcı olaraq doğulmur, amma yaradıcılıq təcrübə, təxəyyül, suallar, əməkdaşlıq və məlumat emalı ilə öyrənilə bilən bir bacarıqdır. İşinizə yaradıcılıq qataraq daha çox özünüzə diqqət cəlb edə bilərsiniz.

Özünüzə və karyeranıza böyük məqsədlər qoyun

Bəli, işiniz sizə pul ödəyir, amma pul sizi həqiqətən xoşbəxt edə bilərmi? Pulunuz nə qədər çox olsa, satın ala biləcəyiniz şeylərə baxmayaraq, məqsədlərə çatmaq, hədəflərə çatmaq, yüksək keyfiyyətli iş və nəticədə tərif almaq həqiqətən də sizə zövq verəcək.

Məhsuldar olun

İşdə vaxtınızı ağıllı şəkildə istifadə edirsiniz, xüsusən də təkbaşına işləyərkən. Hələ sizə heç bir şey təyin edilməmiş olsa belə, yalnız tənbəllik edib sosial mediada gəzmirsiniz, ofisin ətrafında dəyərli şeylər axtarırsınız, digər işçilərllə netvorkinq qurursunuz. Təşəbbüskar olun və bacarıqlı olun!

Protokolu izləyin

Şirkətiniz üçün standart əməliyyat prosedurunu, təlimatları öyrənmək və mənimsəmək mütləqdir! Bu, təlimatlar asanlıqla cavablandırılan şeylər haqqında rəhbərlərinizə lazımsız suallar verməyinizə maneə olacaq. Peşəkar bir işçi olaraq qarşılaşdığınız hər bir vəziyyət üçün protokola riayət etməlisiniz. Vəziyyətin sizin əlinizdə olmadığını hiss edirsinizsə, rəhbərlikdən kömək istəməkdən çəkinməyin.
 
İş dünyası rəqabətlidir və hər gün özünüzün daha yaxşı versiyası olmaq üçün əlinizdən gələni edin. Müdirinizin və ya işəgötürəninizin sizi peşəkar və şəxsən inkişaf etdirməsini gözləməyin. Öz peşəkar inkişafınızı özünüz təmin edin. Yəni, özün özünə liderlik et!

 Bir işçi olaraq nə qədər çox çalışsan, bir o qədər də çox şey öyrənəcəksən. Peşəkar olmaq bir gecədə baş vermir, illərlə zəhmət çəkmək və bəzi qaydalara ciddi riayət etməklə formalaşır. Həmişə daha yaxşısı üçün can atmağı və etdiyiniz işlərdə peşəkar olmağı unutmayın və uğur nəhayət sizi hər yerdə izləyəcək! Bu gün olmasa, mütləq sabah.

Müəllif: Nigar Mahmudova
(Ekaryera.az, kontent menecer)